Nýtt verkefni í tengslum við fornleifar er komið af stað í safnfræðslu minjasafnsins. Hlusta máá skemmtilega umfjöllun í lok svæðisfréttunum á RÁS 2 mið.27.maí hér.

Nemendum úr 6.-10.bekk er boðið að koma í fámennum hópum og fræðast aðeins um fornleifar á nýju sýningu safnsins Dauðir rísa. Þar skoða þeir beinagrindur o.fl. Síðan skella þeir sér í vesti safnsins og leika fornleifafræðinga þar sem áhersla er lögð á aðferðir við uppgröft, mælingar og skráningar. Auk þess læra nemendur að sjálfsögðu ýmislegt um þá hluti sem þeir finna. 

Skólahópar, stórir sem smáir eru velkomnir á safnið. Í dag sníðum við heimsóknina að þörfum hvers hóps fyrir sig en næsta vetur, 2008-2009, er fyrirhugað að semja námsefni og skipuleggja fræðslustarf fyrir grunnskóla enn betur. Mun sérstakur safnkennari hafa það verkefni með höndum.