• Eyibyli
  • Kjarval
  • 2019 Namsefni Slider
  • Hreindýrin á Austurlandi
  • Sjálfbær eining

    Aðfangadagur jóla er nú runninn upp og þar með opnast síðasti gluggi jóladagatals Minjasafnsins.

    "Allir fá þá eitthvað fallegt, í það minnsta kerti og spil" segir í kvæðinu Bráðum koma blessuð jólin eftir Jóhannes úr Kötlum. Það er víst að margt hefur breyst í jóla- og jólagjafahefðum á síðustu hundrað árum eða svo en ekki var óalgengt að börn fengju kerti og spil í jólagjöf í gamla daga, þó að á mörgum bæjum hafi ekki þótt viðeigandi að spila á aðfangadag eða sjálfa jólanóttina sökum ótta við að kölski sjálfur kæmi í spilið. Gripur dagsins barst til safnsins árið 1948 og er frekar áhugaverður, en hann inniheldur spáspil. Á hverju spili er áletrað heilræði, t.d. "Kauptu aldrei þann hlut sem þú þarft ekki með, hve ódýr sem hann er" og "Sá sem ungur fleygir út einskilding mun fullorðinn sóa út ríkisdal". Í miðju hvers spils stendur svo sortin og númer spilsins, t.d. "Tígultía, spaðakóngur..." osfrv. Spilastokkurinn, sem er orðinn frekar lúinn, kemur frá Hrafnkelsstöðum í Fljótsdal og var gefinn á safnið af Margréti Sigfúsdóttur (1873-1955). 

     Nánari upplýsingar um gripinn á Sarpi.

    Ýtið hér til að sjá fleiri gripi úr jóladagatalinu.

    vefbordi fyrir sarp 945 x 250

    Opnunartímar

    1. júní - 31. ágúst: 
    Alla daga: 10:00-18:00

    1. september - 31. maí:
    Þriðjudaga - föstudaga: 11:00-16:00

    Hægt að semja um opnun utan auglýsts opnunartíma.

    Aðgangseyrir:

    18 ára og eldri: 1500 kr
    17 ára og yngri: Frítt
    Eldri borgarar, öryrkjar, nemar: 1000 kr. 
    Hópar með 10 manns eða fleiri: 1000 kr. á mann.

    Minjasafn Austurlands WiFi

    Í anddyri Minjasafnsins er hægt að tengjast þráðlausu neti hússins.