Skip to main content

Safnfræðslu lokið þetta skólaárið

02. júní 2017

Í dag fékk Minjasafnið skemmtilega heimsókn frá leikskólanum Kærabæ á Fáskrúðsfirði.

Þar var á ferð útskriftarhópur skólans en þau voru í útskriftarferð um Fljótsdalshérað. Krakkarnir skoðuðu sýningar safnsins í fylgd safnvarðar og voru mjög áhugasöm um það sem bar fyrir augu. 

Heimsóknin markaði lok fræðslustarfs Minjasafnsins þetta skólaárið. Á skólaárinu 2016-2017 hafa 495 nemendur heimsótt safnið eða fengið fræðslu til sín. Þessum nemendum hafa fylgt 89 kennarar. Flestir nemendurnir sem fengu fræðslu voru á leikskólaaldri eða 269, grunnskólanemendurnir voru 115 og framhaldsskólanemendurnir 111. Tilgangur heimsóknanna var margvíslegur og í sumum tilfellum komu kennarar oft með nemendur sína í heimsókn á safnið. 

Safnfræðsla er stór hluti af starfsemi safnsins yfir vetrartímann og við erum sífellt að leita leiða til að þróa og bæta fræðslustarfið. Á síðasta ári hlaut Minjasafnið styrk úr Safnasjóði til að láta útbúa námsefni tengt safninu fyrir nemendur á grunnskólaaldri. Safnið fór í framhaldinu í samstarf við Unni Maríu Sólmundsdóttur hjá kennarinn.is og mun hún útbúa efnið fyrir safnið. Stefnt er að því að efnið verði tilbúið til notkunar fyrir næsta skólaár. 

Síðustu fréttir

Öskupoka- og bolluvandasmiðja
12. febrúar 2024
Það var handagangur í öskjunni og líf í tuskunum í Safnahúsinu á dögunum þegar Minjasafnið, Bókasafn Héraðsbúa og Soroptimistaklúbbur Austurlands stóðu saman að öskupoka- og bolluvandasmiðju. Þar v...
Minjasafnið hlýtur styrki úr Safnasjóði.
26. janúar 2024
Á dögunum var úthlutað styrkjum úr aðalúthlutun Safnasjóðs við hátíðlega athöfn húsnæði Listasafns Íslands í Safnahúsinu við Hverfisgötu. Minjasafn Austurland hlaut tveggja milljóna króna styrk í v...
Fjölbreytt afmælisár að baki.
10. janúar 2024
Nú þegar enn eitt árið hefur runnið sitt skeið er ekki úr vegi að staldra við og líta yfir farinn veg. Nýliðið ár var Minjasafni Austurlands gott, starfsemin var fjölbreytt og gestafjöldi með mesta...