Skip to main content

Opnun nýrrar sýningar í Safnahúsinu

31. október 2019

Miðvikudaginn 30. október var opnun sýningarinnar "Eftirlýstir Íslendingar á 17. og 18. öld" í Safnahúsinu.

Sýningin samanstendur af 30 teikningum nemenda á teiknibraut við Myndlistaskólann í Reykjavík. Teikningarnar voru unnar upp úr lýsingum á eftirlýstu fólki sem birtust í Alþingisbókum Íslands (Acta comitiorum generalium Islandiæ) frá miðri 17. öld og undir lok 18. aldar en í Alþingisbókunum er að finna yfir tvöhundruð mannlýsingar af burtstroknum Íslendingum og öðru óskilafólki frá 17. og 18. öld.  Á þessum tíma voru ekki aðrar leiðir færar til að lýsa eftir strokufólki og sakamönnum en að setja saman kjarnyrtar lýsingar á útliti þeirra sem síðan bárust manna á milli. Nú hafa nemar Myndlistarskólans í Reykjavík dregið upp myndir af þessu misindisfólki fyrri tíma og þannig opnað glugga að þessum samfélagskima fortíðarinnar. Viðburðurinn í Safnahúsinu er hluti af dagskrá Daga myrkurs á Austurlandi.

Verkefnið er samstarfsverkefni skólans og Daníels G. Daníelssonar, sagnfræðings, og er sprottið upp úr rannsóknum Daníels fyrir verkefnið ,,Fötlun fyrir tíma fötlunar."  Daníel heiðraði okkur með nærveru sinni í tilefni dagsins og hélt mjög áhugavert erindi um verkefnið sjálft. Þar fór hann yfir rannsóknir sínar á efninu og dró fram í dagsljósið nokkra eftirlýsta Austfirðinga fyrri tíma. Góður rómur var gerður að fyrirlestrinum og skemmtilegar umræður spunnust í kjölfarið.

Við hvetjum fólk til þess að skoða þessar fallegu teikningar, en þær verða til sýnis í Safnahúsinu fram í desember og er aðgangur ókeypis.  

Viðburðurinn er samstarfsverkefni Minjasafns Austurlands, Bókasafns Héraðsbúa og Héraðsskjalasafns Austfirðinga og er styrkt af Alcoa Fjarðaáli.

20191031 Eftirlystir 8
20191031 Eftirlystir 9
20191031 Eftirlystir 7
20191031 Eftirlystir 5
20191031 Eftirlystir 3
20191031 Eftirlystir 6
20191031 Eftirlystir 10
20191031 Eftirlystir 2
20191031 Eftirlystir 4

Síðustu fréttir

Öskupoka- og bolluvandasmiðja
12. febrúar 2024
Það var handagangur í öskjunni og líf í tuskunum í Safnahúsinu á dögunum þegar Minjasafnið, Bókasafn Héraðsbúa og Soroptimistaklúbbur Austurlands stóðu saman að öskupoka- og bolluvandasmiðju. Þar v...
Minjasafnið hlýtur styrki úr Safnasjóði.
26. janúar 2024
Á dögunum var úthlutað styrkjum úr aðalúthlutun Safnasjóðs við hátíðlega athöfn húsnæði Listasafns Íslands í Safnahúsinu við Hverfisgötu. Minjasafn Austurland hlaut tveggja milljóna króna styrk í v...
Fjölbreytt afmælisár að baki.
10. janúar 2024
Nú þegar enn eitt árið hefur runnið sitt skeið er ekki úr vegi að staldra við og líta yfir farinn veg. Nýliðið ár var Minjasafni Austurlands gott, starfsemin var fjölbreytt og gestafjöldi með mesta...