Handverk og hefðir: Tóvinnunámskeið

Hefur þig alltaf langað til að læra að taka ofan af, hæra, kempa og spinna ull? Þá skaltu halda áfram að lesa. 

Sunnudaginn 27. október næstkomandi verður opið hús og boðið upp á ókeypis tóvinnunámskeið í Hallormsstaðaskóla frá kl. 12:00 til 17:00. Námskeiðið er hluti af samstarfsverkefni Minjasafnsins, Hallormsstaðaskóla og Heimilisiðnaðarfélags Íslands sem ber yfirskriftin Handverk og hefðir en samstarfið hófst með samnefndu málþingi sem haldið var í Safnahúsinu á Egilsstöðum í júní síðastliðnum. Á námskeiðinu mun Marianne Guckelsberger, gestakennari frá Heimilisiðnaðarfélagi Íslands, leiðbeina þátttakendum í tóvinnu með sömu aðferðum og notaðar voru fyrrum, þ.e. að taka ofan af, hæra, kemba og spinna bæði á rokk og halasnældu. Spunnið er þel og tog, notaðir viðeigandi kambar, útskýrð gömul heiti og orðatiltæki um áhöld, ull og spuna. Námskeiðið er ókeypis, öllum opið og hentar jafnt byrjendum sem og þeim sem áður hafa kynnst tóvinnu. Einnig er fólki velkomið að líta við í skólanum og fylgjast vinnunni.  

 

Skráning á námskeið fer fram hér: https://forms.gle/dbzKeiEtP5BNjXPa9

Verkefnið var styrkt af Safnasjóði, Uppbyggingarsjóði og Fjótsdalshéraði.